Preukusni rižoto s gljivama po receptu Jamieja Olivera kojem nećete odoljeti

Poznati kuhar Jamie Oliver obožava italijansku kuhinju, pa tako i pripremu rižota. Među najomiljenijim mu je onaj sa gljivama, koji priprema sa nekoliko trikova. Luk dinsta sa pažljivo narezanim komadićima celera, a umjesto običnim bijelim vinom rižu voli začiniti slatkim vermutom, koji jelu daje dodatnu dubinu ukusa.

Važno je rižu začiniti i toplom bistrom supom, kako bi krajnje jelo bilo posebno ukusno i kremasto. Takođe, većinu gljiva ne miješa s rižom prije samog serviranja.

Evo kako Jamie Oliver priprema kremasti rižoto sa gljivama.

Sastojci za rižoto sa gljivama:

400 grama arborio riže,
1,5 litra supe od piletine ili povrća,
4 šake divljih gljiva po želji,
1 šaka sušenih vrganja,
1 mali luk,
2 štapa celera,
75 ml vermuta,
nekoliko grančica svježeg peršuna,
1/2 limuna,
1 kašika maslaca,
šaka naribanog parmezana,
maslinovo ulje za dinstanje,
so i biber po želji, 

Priprema:

Zagrij supu i drži je na niskoj temperaturi na šporetu. Odvoji malo tople supe i u tekućini potopi sušene vrganje. Pusti da se hidriraju par minuta. U velikoj tavi i na malo maslinovog ulja dinstaj komadiće luka i celera na nižoj temperature, oko 10 minuta. Zatim, dodaj rižu u tavu i povisi temperaturu. Promiješaj rižu i dodaj joj vermut. Nastavi miješati, dok tekućina ne ispari. U rižu dodaj procijeđenu tekućinu u kojoj su bili vrganji. Ponovo sve zajedno promiješaj. U rižu dodaj i nasjeckane vrganje. Dobro promiješaj.

Postepeno i polako dodaj toplu supu u rižu, dok ne potrošiš svu tekućinu, a riža ne postane kremasta i kuvana. Za cijeli postupak je potrebno oko 30 minuta. Na zasebnoj gril tavi ispeci očićene i suve divlje gljive. Prepržene gljive pomiješaj s nasjeckanim peršunom, malo maslinovog ulja, kao i sokom od pola limuna.

Prije nego što rižoto skineš sa vatre, posoli i pobiberi po želji. Potom dodaj maslac i naribani parmezan. Poklopi tavu i pusti da rižoto odstoji tri minute. Rižoto posluži s grilovanim gljivama, malo maslinovog ulja i svježe naribanim parmezanom.

Cijeli postupak pripreme rižota od gljiva Jamieja Olivera pogledajte u nastavku: