Ukrajinski sud naredio hapšenje bivšeg predsjednika Janukoviča

Ukrajinski sud donio je odluku i naredio hapšenje u odsutnosti nekadašnjeg ukrajinskog predsjednika Viktora Janukoviča optuživši ga pritom za izdaju.

Janukovič je od februara 2010. do februara 2014. godine obnašao dužnost ukrajinskog predsjednika nakon čega je prebjegao u Rusiju s kojom je blisko surađivao i u vrijeme dok je bio prvi čovjek Ukrajine.

Već ranije je Janukovič osuđen na 13 godina zatvorske kazne zbog izdaje, a sve zbog bliske suradnje s ruskim predsjednikom Vladimirom Putinom.

Naime, Janukovič je od Putina tražio da ruska vojska i policija uspostave red u Ukrajini.

Ovaj put je optužen za izdaju zbog sporazuma kojeg je potpisao 2010. godine, a koji se odnosio na produženje ruske kontrole nad Krimom.

Taj je sporazum poznat kao Harkovski pakt koji je omogućio Rusiji da zadrži svoju Crnomorsku flotu u krimskoj luci Sevastopolju.

Upravo je Crnomorska flota ostvarila jedan dio ruske invazije na Ukrajinu od kraja februara do danas.