Uhapšen muškarac koji je prijetnjama podigao uzbunu u Danskoj

Osumnjičeni je priveden u mjestu Slagelse, oko 100 kilometara zapadno od danske prijestonice Kopenhagena.

"Muškarac je osumnjičen za slanje prijetnji danskim aerodromima, tržnim centrima i bolnicama", saopštila je policije, ne navodeći način na koji su prijetnje upućene. Policija nije navela ime osumnjičenog niti njegove motive.

Domaći aerodromi u mjestima Roskilde i Arhus, kao i tržni centar u Roskildeu, oko 35 kilometara od prijestonice, ponovo su otvoreni nakon što je policija uz pomoć pasa tragača pretražila ove lokacije.

Drugi tržni centar u mjestu Slagelse i dalje se provjerava.

Prijetnje su upućene i na druge lokacije, uključujući aerodrom u Kopenhagenu, ali je policija od samog početka smatrala da se radi o lažnoj dojavi, javila je danska televizijska stanica TV2.